തളിപ്പറമ്പ്; മരുമകളെ ശല്യം ചെയ്തത് ചോദ്യം ചെയ്തതിന് മധ്യവയസ്‌ക്കനെ മന:പ്പൂര്‍വ്വം ബൈക്കിടിച്ച് വീഴ്ത്തി പരിക്കേല്‍പ്പിക്കുകയും അശ്ലീലഭാഷയില്‍ ചീത്തവിളിക്കുകയും ചെയ്തതിന് കണ്ടാലറിയാവുന്ന യുവാവിന്റ പേരില്‍ തളിപ്പറമ്പ് പോലീസ് കേസെടുത്തു.
ഏഴാംമൈലിലെ മോട്ടന്റകത്ത് പുതിയ പുരയില്‍ (ആമിന മന്‍സില്‍)എം.പി.അബ്ദുള്‍റഹ്മാന്റെ പരാതിയിലാണ് കേസ്. 12 ന് വൈകുന്നേരം 6.45 നാണ് സംഭവം നടന്നത്. ഏഴാംമൈല്‍-കൂവോട് റോഡിലൂടെ നടന്നുപോകുകയായിരുന്ന അബ്ദുറഹ്മാനെ അമിതവേഗത്തില്‍ ബൈക്കുമായി വന്ന് ഇടിച്ചുവീഴ്ത്തുകയായിരുന്നു.
റോഡിലേക്ക് തെറിച്ചുവീണ അബ്ദുറഹ്മാനെ എവിടെ നോക്കിയാ നടക്കുന്നതെന്ന് ചോദിച്ച് അശ്ലീലശ്ലീലഭായില്‍ ചീത്തവിളിക്കുകയും ചെയ്തു. പരിക്കേറ്റ അബ്ദുറഹ്മാന്‍ തളിപ്പറമ്പിലെ സ്വകാര്യ ആശുപത്രിയില്‍ ചികില്‍സയിലാണ്.
നേരത്തെ അബ്ദുറഹ്മാന്റെ മരുമകളെ ശല്യംചെയ്തതിന് ബൈക്കുമായി വന്ന യുവാവിനെ ചോദ്യം ചെയ്തിരുന്നുവത്രേ. അതിന്റെ വിരോധത്തിനാണ് ബൈക്കുകൊണ്ട് ഇടിച്ചതെന്നാണ് പരാതി.
case against youth
.jfif)
