തളിപ്പറമ്പ: എസ്.ഡി.പി.ഐ. തളിപ്പറമ്പ മണ്ഡലം കമ്മിറ്റിയുടെ ആഭിമുഖ്യത്തിൽ പ്രതിനിധി സഭ സംഘടിപ്പിച്ചു. മയ്യിൽ വ്യാപാര ഭവനിൽ നടന്ന പ്രതിനിധി സഭ സംസ്ഥാന സെക്രട്ടറി കെ.കെ അബ്ദുൽ ജബ്ബാർ ഉദ്ഘാടനം ചെയ്തു. ജനപക്ഷത്തു നിന്നുകൊണ്ടുള്ള ഫാസിസ്റ്റ് വിരുദ്ധ ജനകീയ ബദൽ രാഷ്ട്രീയം ഉയർന്നു വരേണ്ടതുണ്ടെന്നും ആ രാഷ്ട്രീയ നയ സമീപനങ്ങളാണ് സോഷ്യൽ ഡെമോക്രാറ്റിക് പാർട്ടി ഓഫ് ഇന്ത്യ ഉയർത്തിക്കൊണ്ടുവരുന്നതെന്നും അത് രാജ്യത്ത് മാറ്റങ്ങൾ സൃഷ്ടിക്കുമെന്നും അദ്ദേഹം അഭിപ്രായപ്പെട്ടു.
മണ്ഡലം പ്രസിഡൻ്റ് എം.മുഹമ്മദലി അധ്യക്ഷത വഹിച്ചു . സെക്രട്ടറി ജാഫർ ചേലേരി 2021- 24 കാലയളവിലെ പ്രവർത്തന റിപ്പോർട്ട് അവതരിപ്പിച്ചു. ഇർഷാദ് സി(പ്രസിഡൻ്റ്), ഇഖ്ബാൽ പി (വൈസ് പ്രസിഡൻ്റ്), മുസ്തഫ കെ സെക്രട്ടറി, ഇസ്ഹാഖ് മലപ്പട്ടം (ജോയിന്റ് സെക്രട്ടറി), മുഹമ്മദലി എം ട്രഷറർ, റഫീഖ് മയ്യിൽ, ജാഫർ ചേലേരി എന്നിവർ അംഗങ്ങളായി 2024- 27 കാലയളവിലേ ക്കുള്ള പുതിയ മണ്ഡലം കമ്മിറ്റിയെ തിരഞ്ഞെടുത്തു. റിട്ടേണിംഗ് ഓഫീസർ മുസ്തഫ നാറാത്ത് . ജില്ലാ ജനറൽ സെക്രട്ടറി ബഷീർ കണ്ണാടിപ്പറമ്പ,എസ്ഡിട്ടിയു ജില്ലാ വൈസ് പ്രസിഡൻ്റ് മാത്യൂ, ജില്ല കമ്മറ്റി അംഗം ഷുക്കൂർ മാങ്കടവ്, എന്നിവർ ആശംസകൾ അർപ്പിച്ച് സംസാരിച്ചു. പ്രസിഡന്റായി തിരഞ്ഞെടുക്കപ്പെട്ട ഇർഷാദ് സി സദസ്സിനെ അഭിസംബോധന ചെയ്തു. സെക്രട്ടറി മുസ്തഫ കെ നന്ദിയും പറഞ്ഞു.
SDPI Taliparamba Constituency
