കണ്ണൂർ സർവ്വകലാശാല എം എ മലയാളം പരീക്ഷയിൽ ആർ ജീവനി ഒന്നാം റാങ്ക് നേടി. 93.1 ശതമാനം മാർക്കോടെയാണ് റാങ്ക് നേട്ടം . തലശ്ശേരി ഗവൺമെൻ്റ് ബ്രണ്ണൻ കോളേജ് വിദ്യാർത്ഥിയാണ്. വടകര വില്യാപ്പള്ളി സ്വദേശിയാണ്. തിരൂർ കോട്ട് യു പി സ്കുൾ അധ്യപകൻ നടേമ്മൽ എ ടി കെ രമേശൻ്റെയും മണിയൂർ മുതുവന യു പി സ്കുൾ അധ്യാപിക ജഷീദയുടെയും മകളാണ്. പ്ലസ്ടു വിദ്യാർത്ഥിനി ആർ ജീവഥ സഹോദരിയാണ്.
യുവ കവയിത്രി കൂടിയായ ജീവനി യുടെതായി 'മുടിക്കുത്തി', 'സൂചിയും നൂലും' , 'പൂവിൻ്റെ കാര്യങ്ങൾ ' എന്നീ കവിതാ സമാഹാരങ്ങൾ പ്രസിദ്ധീകരിച്ചിട്ടുണ്ട്. കടത്തനാട്ട് മാധവിയമ്മ സ്മാരക അവാർഡ്, മുറുവശ്ശേരി അവാർഡ്, എൻ എൻ കക്കാട് സ്മാരക പുരസ്ക്കാരം, മാതൃഭൂമി കെ വി അനൂപ് സ്മാരക പുരസ്കാരം തുടങ്ങി നിരവധി പുരസ്കാരങ്ങൾ കവിത രചനകൾക്ക് നേടിയിട്ടുണ്ട്.
ബി എ മലയാളം പരീക്ഷയിലും രണ്ടു വർഷം മുൻപ് കണ്ണൂർ സർവ്വകലാശാലയിൽ നിന്നു 95.85 ശതമാനം മാർക്കോടെ ജീവനി ഒന്നാം റാങ്ക് നേടിയിരുന്നു.
R Jeevani secured first rank in Kannur University MA Malayalam examination
.jpg)
