---
title: "റോഡ് സുരക്ഷാ ബോധവത്കരണ റാലി സംഘടിപ്പിച്ചു. "
english_title: "road_safty"
publisher: "thaliparambanews.in"
canonical_url: "https://thaliparamba.truevisionnews.com/news/21195/road_safty"
published_at: "2022-01-17T10:27:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/61e4f766bc4b1_road safty.jpg"
keywords: []
---

# റോഡ് സുരക്ഷാ ബോധവത്കരണ റാലി സംഘടിപ്പിച്ചു. 

> **Lead Summary:** കണ്ണൂര്‍: ദേശീയ റോഡ് സുരക്ഷാ വാരാചരണത്തിന്‍റെ ഭാഗമായി കണ്ണൂര്‍ സിറ്റി പോലീസ് റോഡ് സുരക്ഷാ ബോധവത്കരണ റാലി സംഘടിപ്പിച്ചു.

## Article Content

കണ്ണൂര്‍: ദേശീയ റോഡ് സുരക്ഷാ വാരാചരണത്തിന്‍റെ ഭാഗമായി കണ്ണൂര്‍ സിറ്റി പോലീസ് റോഡ് സുരക്ഷാ ബോധവത്കരണ റാലി സംഘടിപ്പിച്ചു.

കണ്ണൂര്‍ കല്‍ടെക്സ് ജംഗ്ഷനില്‍ നിന്നും ആരംഭിച്ച് തവക്കര, റെയില്‍വേ സ്റ്റേഷന്‍, പഴയ ബസ്സ്സ്റ്റാഡ് വഴി ട്രാഫിക് പോലീസ് സ്റ്റേഷനില്‍ സമാപിച്ച റാലിയില്‍ കണ്ണൂര്‍ ടൌണ്‍ ഹയര്‍ സെക്കണ്ടറി സ്കൂള്‍ സ്റ്റുഡന്‍റ് പോലീസ് കെഡിറ്റുകള്‍, ശ്രീചന്ദ് ഹോസ്പിറ്റല്‍ ജീവനക്കാര്‍ തുടങ്ങിയവര്‍ റാലിയില്‍ പങ്കെടുത്തു.

ജനുവരി 11 മുതല്‍ 17 വരെയാണ് ദേശീയ ട്രാഫിക് വാരാചരണം. കണ്ണൂര്‍ സിറ്റി പോലീസ് കമ്മീഷണര്‍ ശ്രീ ഇളങ്കോ ആര്‍ IPS കല്‍ടെക്സ് ജംഗ്ഷനില്‍ റാലി ഫ്ലാഗ് ഓഫ് ചെയ്തു. കണ്ണൂര്‍ സിറ്റി ട്രാഫിക് പോലീസ്സും ശ്രീചന്ദ് ഹോസ്പിറ്റലും സംയുക്തമായാണ് റോഡ് സുരക്ഷാ ബോധവത്കരണ റാലി സംഘടിപ്പിച്ചത്.

കണ്ണൂര്‍ ടൌണ്‍ ഇന്‍സ്പെക്ടര്‍ ശ്രീ ശ്രീജിത്ത് കൊടേരി, കണ്ണൂര്‍ ട്രാഫിക് പോലീസ് സ്റ്റേഷന്‍ സബ്ബ് ഇന്‍സ്പെക്ടര്‍ ശ്രീ മനോജ് കുമാര്‍, മഹീന്ദ്രന്‍, ASI ബാബുരാജ് തുടങ്ങിയവര്‍ റാലിയില്‍ സംബന്ധിച്ചു.

### Related Links & Sources
- [Original Story Source](https://thaliparamba.truevisionnews.com/news/21195/road_safty)