തളിപ്പറമ്പ്: സി പി ഐ തളിപ്പറമ്പ് മണ്ഡലം കമ്മിറ്റിയുടെ നേതൃത്വത്തിൽ പി വി ചന്തുക്കുട്ടി അനുസ്മരണവും ഉന്നത വിജയികളെ അനുമോദിക്കൽചടങ്ങും സംഘടിപ്പിച്ചു. എ കെ പൊതുവാൾ ഹാളിൽ നടന്ന ചടങ്ങ് സി പി ഐ സംസ്ഥാന എക്സിക്യുട്ടീവ് അംഗം സി പി മുരളി ഉദ്ഘാടനം ചെയ്തു. സി പി ഐ ജില്ലാ കൗൺസിൽ അംഗം കോമത്ത് മുരളീധരൻ അധ്യക്ഷത വഹിച്ചു.
സി പി ഐ സംസ്ഥാന കൗൺസിൽ അംഗം സി പി ഷൈജൻ, എ ഐ എസ് എഫ് ജില്ലാ സെക്രട്ടരി പി ഐ ഇസ്മയിൽ, ജില്ലാ എക്സിക്യുട്ടീവ് അംഗം വേലിക്കാത്ത് രാഘവൻ സംസാരിച്ചു. സി പി ഐ തളിപ്പറമ്പ് മണ്ഡലം സെക്രട്ടരി പി കെ മുജീബ് റഹമാൻ സ്വാഗതവും എ ഐ ടി യു സി മണ്ഡലം സെക്രട്ടരി ടി വി നാരായണൻ നന്ദിയും പറഞ്ഞു . ചടങ്ങിൽ വെച്ച് പ്ലസ് ടു, എസ് എസ് എൽ സി പരീക്ഷകളിൽ ഉന്നത വിജയം നേടിയ വിദ്യാർത്ഥി കളെ അനുമോദിച്ച് സി പി മുരളി ഉപഹാരം നല്കി.
cpm
