പയ്യന്നൂരില് യുവതിയെ വീടിനുള്ളില് മരിച്ച നിലയില് കണ്ടെത്തി. 22 കിലോമീറ്റര് അകലെ മറ്റൊരിടത്ത് യുവതിയെ മരിച്ച നിലയില് കണ്ടെത്തിയ വീട് നോക്കാൻ ഏല്പ്പിച്ചിരുന്ന യുവാവിനെയും തൂങ്ങി മരിച്ച നിലയില് കണ്ടെത്തി. മാതമംഗലം കോയിപ്ര സ്വദേശി അനിലയെയാണ് അന്നൂർ കൊരവയലിലെ ബെറ്റിയുടെ വീട്ടിൽ മരിച്ച നിലയിൽ കണ്ടെത്തിയത്. ബെറ്റിയും കുടുംബവും ദിവസങ്ങളായി വീട്ടിലുണ്ടായിരുന്നില്ല.
ടൂര് കഴിഞ്ഞ് ഇവര് വീട്ടിലെത്തിയപ്പോഴാണ് യുവതിയെ മരിച്ച നിലയില് കണ്ടെത്തിയത്. തുടര്ന്ന് പൊലീസില് വിവരം അറിയിക്കുകയായിരുന്നു. ടൂർ പോകുന്നതിനാൽ വീട് നോക്കാൻ കുറ്റൂർ ഇരൂൾ സ്വദേശി സുദർശൻ പ്രസാദിനെയായിരുന്നു ഏൽപ്പിച്ചത്. സുദര്ശൻ പ്രസാദിനെയാണ് കുറ്റൂരിനടുത്ത് ഇരൂളിൽ തൂങ്ങി മരിച്ച നിലയില് കണ്ടെത്തിയത്. അനില എങ്ങനെയാണ് ബെറ്റിയുടെ വീട്ടിലെത്തിയതെന്നതിലും അവ്യക്തത നിലനില്ക്കുകയാണ്. യുവതിയുടെ മൃതദേഹം കണ്ടെത്തിയ സ്ഥലവും യുവാവിനെ തൂങ്ങി മരിച്ച നിലയില് കണ്ടെത്തിയ ഇരുളും തമ്മില് നിരവധി കിലോമീറ്റര് ദൂരമുണ്ട്.
A young man and a young woman were found dead