പരിയാരം: ലോകസഭാ തെരെഞ്ഞെടുപ്പിനോടനുബന്ധിച്ച് ഹരിത പെരുമാറ്റച്ചട്ടം പാലിക്കാനായി തെരഞ്ഞെടുപ്പു നടന്ന പോളിങ്ങ് സ്റ്റേഷനുകളിലേക്ക് ഓലക്കൊട്ടകൾ നിർമ്മിച്ചു നല്കി പരിയാരം ഗവ. വൊക്കേഷണൽ ഹയർ സെക്കണ്ടറി സ്കൂൾ എൻ എസ് എസ് വളണ്ടിയർമാർ .
വളണ്ടിയർമാർ സ്വന്തമായി നിർമ്മിച്ച ഓലക്കൊട്ടകൾ റൂട്ട് ഓഫീസർ ലിജിൽ എ എസ് കെ ഏറ്റുവാങ്ങി. തെരഞ്ഞെടുപ്പു ദിവസം പ്രായമായവരും രോഗികളും ഭിന്നശേഷിക്കാരായതുമായ രോഗികളെ ബൂത്തുകളിൽ എത്തിക്കാനും വളണ്ടിയർമാർ മുൻപന്തിയിൽ ഉണ്ടായിരുന്നു.
പ്രിൻസിപ്പാൾ കെ.അനിൽ , എൻ എസ് എസ് പ്രോഗ്രാം ഓഫീസർ സി.ഷീന, വളണ്ടിയർ സെക്രട്ടറി നയന നാരായണൻ , വളണ്ടിയർമാരായ തോമസ് ജോൺ, ഫാത്തിമത്തുൽ സന, പ്രതീക്ഷ പ്രഭാകരൻ, എം. ശ്രീഷ്മ എന്നിവർ പരിപാടിക്ക് നേതൃത്വം നല്കി.
nss_pariyaram