ധർമ്മശാല എഞ്ചിനിയറിങ്ങ് കോളേജ്, നിഫ്റ്റ് എന്നിവ കേന്ദ്രീകരിച്ച് മയക്കുമരുന്ന് എത്തിക്കുന്ന സംഘത്തിലെ പ്രധാന കണ്ണി പിടിയിലായി

Apr 25, 2024 09:07 AM | By Sufaija PP

ലോകസഭ തെരെഞ്ഞെടുപ്പ് സ്പെഷ്യൽ ഡ്രൈവിന്റെ ഭാഗമായി തളിപ്പറമ്പ്എക്സൈസ് റെയ്ഞ്ച് ഇൻസ്പെക്ടർ സുരേഷ് പിയുടെ നേതൃത്വത്തിൽ കോൾമൊട്ട ഭാഗങ്ങളിൽ നടത്തിയ പരിശോധനയിൽ ധർമ്മശാല എഞ്ചിനിയറിങ്ങ് കോളേജ്, നിഫ്റ്റ് എന്നിവ കേന്ദ്രീകരിച്ച് മയക്കുമരുന്ന് എത്തിക്കുന്ന സംഘത്തിലെ പ്രധാന കണ്ണി പിടിയിലായി.

പാപ്പിനിശ്ശേരി അംശം ദേശം മാങ്കടവ് ചാലിൽ ഹയാത്തുൽ ഇസ്ലാം മദ്രസയ്ക്ക് സമീപം താമസിക്കുന്ന കെ.കെ ഹൗസിൽ മുഹമ്മദ് ആസിഫ്.കെ.കെ (26)യാണ് പിടിയിലായത്. ഇയാളുടെ കയ്യിൽ നിന്നും 5.096 ഗ്രാം എം ഡി എം എ കണ്ടെടുത്തു. കേസുമായി ബന്ധപ്പെട്ട് സംഘത്തിലെ മറ്റ് കണ്ണികളെക്കുറിച്ച് അന്വേഷണം ഊർജിതമാക്കി. പ്രതിയെ 14 ദിവസത്തേക്ക് റിമാൻഡ് ചെയ്തു.

Also read: കണ്ണൂർ മാട്ടൂലിൽ ഓടികൊണ്ടിരുന്ന ബസിൽ ഡ്രൈവർക്കു നേരെ അക്രമം

എക്സൈസ് ഇൻസ്പക്ടർ സുരേഷ്.പി, (ഗ്രേഡ്)അസി: എക്സൈസ് ഇൻസ്പെക്ടർമാരായ രാജീവൻ പച്ചക്കൂട്ടത്തിൽ, രാജേഷ്.കെ, (ഗ്രേഡ്) പ്രിവൻ്റീവ് ഓഫീസർ ഉല്ലാസ് ജോസ്, സിവിൽ എക്സൈസ് ഓഫീസർ റെനിൽ കൃഷ്ണൻ.പി.പി ഡ്രൈവർ അനിൽ കുമാർ.സി.വി എന്നിവർ റെയ്ഡിൽ പങ്കെടുത്തു.

arrest with mdma