---
title: "ആന്തൂർ തളിയിൽ പ്രൈവറ്റ് ഓട്ടോറിക്ഷ കത്തി നശിച്ച നിലയിൽ കണ്ടെത്തി, പൊലീസ് അന്വേഷണം ആരംഭിച്ചു"
english_title: "A private auto-rickshaw was found burnt"
publisher: "thaliparambanews.in"
canonical_url: "https://thaliparamba.truevisionnews.com/news/192786/a-private-auto-rickshaw-was-found-burnt"
published_at: "2024-03-19T09:47:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/65f911fc86456_news-card.jpg"
keywords: []
---

# ആന്തൂർ തളിയിൽ പ്രൈവറ്റ് ഓട്ടോറിക്ഷ കത്തി നശിച്ച നിലയിൽ കണ്ടെത്തി, പൊലീസ് അന്വേഷണം ആരംഭിച്ചു

> **Lead Summary:** **തളിപ്പറമ്പ് : **വീട്ടുമുറ്റത്ത് നിർത്തിയിട്ട ഓട്ടോറിക്ഷ പെട്രോൾ ഒഴിച്ച് കത്തിച്ചതായി പരാതി. ആന്തൂർ തളിയിൽ ഇരുമ്പ് കല്ലും തട്ടിലെ കോക്കാടൻ ഗണേശൻ്റെ കെ.എൽ.59പി - 5418 കോംപാക്ട് പ്ലസ് ഓട്ടോറിക്ഷയാണ് കത്തിച്ചത്. തിങ്കളാഴ്ച്ച രാത്രി 11.45 നായിരുന്നു സംഭവം.

## Article Content

**തളിപ്പറമ്പ് : **വീട്ടുമുറ്റത്ത് നിർത്തിയിട്ട ഓട്ടോറിക്ഷ പെട്രോൾ ഒഴിച്ച് കത്തിച്ചതായി പരാതി. ആന്തൂർ തളിയിൽ ഇരുമ്പ് കല്ലും തട്ടിലെ കോക്കാടൻ ഗണേശൻ്റെ കെ.എൽ.59പി - 5418 കോംപാക്ട് പ്ലസ് ഓട്ടോറിക്ഷയാണ് കത്തിച്ചത്. തിങ്കളാഴ്ച്ച രാത്രി 11.45 നായിരുന്നു സംഭവം.

വീടിന് സമീപം കെ.കെ.എഞ്ചിനീയറിംഗ് വർക്സ് എന്ന വെൽഡിംഗ് സ്ഥാപനം നടത്തുന്ന ഗണേശൻ ജോലി ആവശ്യത്തിന് ഉപയോഗിക്കുന്ന സ്വകാര്യ ഓട്ടോറിക്ഷയാണ് കത്തിച്ചത്. തീ ആളിപ്പടരുന്നത് കണ്ട് ഓടിയെത്തിയെങ്കിലും നിമിഷങ്ങൾക്കകം ഓട്ടോറിക്ഷ കത്തിയമർന്നതായി ഗണേശൻ പറഞ്ഞു. ആരോ പെട്രോൾ ഒഴിച്ച് കത്തിച്ചതായി സംശയിക്കുന്നതായി ഗണേശൻ തളിപ്പറമ്പ് പോലീസിൽ പരാതി നൽകിയിട്ടുണ്ട്.

### Related Links & Sources
- [Original Story Source](https://thaliparamba.truevisionnews.com/news/192786/a-private-auto-rickshaw-was-found-burnt)