---
title: "വിദ്യാഭ്യാസ കലണ്ടറില്‍ പ്രവൃത്തി ദിവസങ്ങള്‍ കുറയരുതെന്ന് ഹൈക്കോടതി"
english_title: "education calendar"
publisher: "thaliparambanews.in"
canonical_url: "https://thaliparamba.truevisionnews.com/news/188303/education-calendar"
published_at: "2024-02-29T13:48:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/65e03df6d8dfb_school.jfif"
keywords: []
---

# വിദ്യാഭ്യാസ കലണ്ടറില്‍ പ്രവൃത്തി ദിവസങ്ങള്‍ കുറയരുതെന്ന് ഹൈക്കോടതി

> **Lead Summary:** അടുത്ത അധ്യയന വർഷത്തെ വിദ്യാഭ്യാസ കലണ്ടറില്‍ പ്രവൃത്തിദിനങ്ങള്‍ 220 ല്‍ കുറയരുതെന്ന് ഹൈകോടതി. കലണ്ടർ തയാറാക്കുമ്ബോള്‍ ഇത്രയും പ്രവൃത്തിദിനങ്ങള്‍ തന്നെ വേണമെന്ന കേരള വിദ്യാഭ്യാസ ചട്ടം പാലിക്കണമെന്ന ആവശ്യം പൊതുവിദ്യാഭ്യാസ ഡയറക്ടർ പരിഗണിക്കണമെന്നും ജസ്റ്റിസ് സി.പി.മുഹമ്മദ് നിയാസ് നിർദേശിച്ചു.

## Article Content

അടുത്ത അധ്യയന വർഷത്തെ വിദ്യാഭ്യാസ കലണ്ടറില്‍ പ്രവൃത്തിദിനങ്ങള്‍ 220 ല്‍ കുറയരുതെന്ന് ഹൈകോടതി. കലണ്ടർ തയാറാക്കുമ്ബോള്‍ ഇത്രയും പ്രവൃത്തിദിനങ്ങള്‍ തന്നെ വേണമെന്ന കേരള വിദ്യാഭ്യാസ ചട്ടം പാലിക്കണമെന്ന ആവശ്യം പൊതുവിദ്യാഭ്യാസ ഡയറക്ടർ പരിഗണിക്കണമെന്നും ജസ്റ്റിസ് സി.പി.മുഹമ്മദ് നിയാസ് നിർദേശിച്ചു.

പ്രവൃത്തി ദിനങ്ങള്‍ വെട്ടിക്കുറക്കുന്നതിനെതിരെ മൂവാറ്റുപുഴ എബനേസർ ഹയർ സെക്കൻഡറി സ്കൂള്‍ മാനേജർ സി.കെ. ഷാജിയും പിടിഎയും നല്‍കിയ ഹർജി പരിഗണിക്കവെയാണ് കോടതിയുടെ നിർദേശം. പ്രവൃത്തിദിനം വെട്ടിച്ചുരുക്കുന്നത് വിദ്യാർഥികളുടെ പഠനനിലവാരത്തെയും പാഠഭാഗങ്ങള്‍ പൂർത്തീകരിക്കുന്നതിനെയും ബാധിക്കുന്നതായി ഹർ‌ജിയില്‍ പറയുന്നു. 2023 -24 അധ്യയന വർഷത്തില്‍ പ്രവൃത്തിദിനം 205 ആയി നിജപ്പെടുത്താൻ സർക്കാർ നീക്കം ആരംഭിച്ച സാഹചര്യത്തിലാണ് ഹർജിക്കാർ ഹൈകോടതിയെ സമീപിച്ചത്.

### Related Links & Sources
- [Original Story Source](https://thaliparamba.truevisionnews.com/news/188303/education-calendar)