---
title: "ഫോണുകള്‍ നാളെ പ്രത്യേകതരത്തില്‍ ശബ്ദിച്ചേക്കാം, വൈബ്രേറ്റ് ചെയ്യാം;പരിഭ്രമിക്കേണ്ട"
english_title: "Phones may sound and vibrate differently tomorrow"
publisher: "thaliparambanews.in"
canonical_url: "https://thaliparamba.truevisionnews.com/news/158118/phones-may-sound-and-vibrate-differently-tomorrow"
published_at: "2023-10-30T16:58:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/653f93b5d2861_Untitled-2_web.jpg"
keywords: []
---

# ഫോണുകള്‍ നാളെ പ്രത്യേകതരത്തില്‍ ശബ്ദിച്ചേക്കാം, വൈബ്രേറ്റ് ചെയ്യാം;പരിഭ്രമിക്കേണ്ട

> **Lead Summary:** **തിരുവനന്തപുരം: **മൊബൈല്‍ ഫോണുകള്‍ നാളെ പ്രത്യേക തരത്തില്‍ ശബ്ദിക്കുകയും, വൈബ്രേറ്റ് ചെയ്യുകയും ചെയ്താൽ പരിഭ്രമിക്കേണ്ടതില്ലെന്ന് അറിയിപ്പ്. 31-10-2023ന്, പകല്‍ 11 മണി മുതല്‍ വൈകീട്ട് 4 മണിവരെ കേരളത്തിലെ വിവിധ ഇടങ്ങളില്‍ മൊബൈല്‍ ഫോണുകള്‍ പ്രത്യേക തരത്തില്‍ ശബ്ദിക്കുകയും, വൈബ്രേറ്റ് (വിറയ്ക്കുക) ചെയ്യുകയും ചെയ്യും.

## Article Content

**തിരുവനന്തപുരം: **മൊബൈല്‍ ഫോണുകള്‍ നാളെ പ്രത്യേക തരത്തില്‍ ശബ്ദിക്കുകയും, വൈബ്രേറ്റ് ചെയ്യുകയും ചെയ്താൽ പരിഭ്രമിക്കേണ്ടതില്ലെന്ന് അറിയിപ്പ്. 31-10-2023ന്, പകല്‍ 11 മണി മുതല്‍ വൈകീട്ട് 4 മണിവരെ കേരളത്തിലെ വിവിധ ഇടങ്ങളില്‍ മൊബൈല്‍ ഫോണുകള്‍ പ്രത്യേക തരത്തില്‍ ശബ്ദിക്കുകയും, വൈബ്രേറ്റ് (വിറയ്ക്കുക) ചെയ്യുകയും ചെയ്യും.

ചില അടിയന്തിര ഘട്ടങ്ങള്‍ സംബന്ധിച്ച മുന്നറിയിപ്പ് സന്ദേശങ്ങളും ലഭിക്കും. ഇത് കേരളത്തില്‍ പുതുതായി പരീക്ഷിക്കുന്ന സെല്‍ ബ്രോഡ്കാസ്റ്റ് അടിയന്തിര ഘട്ട മുന്നറിയിപ്പ് നല്‍കുന്ന സംവിധാനം സംബന്ധിച്ച പരിശോധനയുടെ ഭാഗമായി ഉള്ള മുന്നറിയിപ്പ് ശബ്ദങ്ങളും, വൈബ്രേഷനും, മുന്നറിയിപ്പ് സന്ദേശങ്ങളും ആണ്. ദേശീയ ദുരന്ത നിവാരണ അതോറിറ്റി, കേന്ദ്ര ടെലികമ്യൂണികേഷന്‍ വകുപ്പ്, സംസ്ഥാന, ജില്ലാ ദുരന്ത നിവാരണ അതോറിറ്റികള്‍ എന്നിവര്‍ ചേര്‍ന്നാണ് ഈ പരീക്ഷണം നടത്തുന്നത്.

കഴിഞ്ഞ മാസം രാജ്യത്ത് പല സ്ഥലങ്ങളില്‍ സ്‌മാര്‍ട്ട് ഫോണിലേക്ക് ഉയര്‍ന്ന ബീപ് ശബ്‌ദത്തോടെ എമര്‍ജന്‍സി മെസേജ് ലഭിച്ചപ്പോള്‍ പലരും പരിഭ്രമിച്ചിരുന്നു. നിര്‍ണായകമായ എര്‍ജന്‍സി അലര്‍ട്ട് എന്ന ശീര്‍ഷകത്തോടെയാണ് എമര്‍ജന്‍സി മേസേജ് പലരുടെയും ആന്‍ഡ്രോയിഡ് ഫോണിലേക്ക് എത്തിയത്.

### Related Links & Sources
- [Original Story Source](https://thaliparamba.truevisionnews.com/news/158118/phones-may-sound-and-vibrate-differently-tomorrow)