---
title: "ഓണാവധിക്ക് വീട് പൂട്ടി ഉല്ലാസയാത്രയ്ക്ക് പോകുന്നവർക്ക് മുന്നറിയിപ്പുമായി പൊലീസ്"
english_title: "Police has warned those who go out for fun after locking their houses during Onam"
publisher: "thaliparambanews.in"
canonical_url: "https://thaliparamba.truevisionnews.com/news/141347/police-has-warned-those-who-go-out-for-fun-after-locking-their-houses-during-onam"
published_at: "2023-08-23T20:42:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/64e621d6af2cb_images.jfif"
keywords: []
---

# ഓണാവധിക്ക് വീട് പൂട്ടി ഉല്ലാസയാത്രയ്ക്ക് പോകുന്നവർക്ക് മുന്നറിയിപ്പുമായി പൊലീസ്

> **Lead Summary:** ഓണാവധി തുടങ്ങാന്‍ ഇനി ഏതാനും ദിവസങ്ങള്‍ മാത്രമാണ് അവശേഷിക്കുന്നത്.വീട് പൂട്ടി ഉല്ലാസയാത്ര പോകാന്‍ പ്ലാന്‍ ചെയ്യുന്നവര്‍ക്ക് ഇക്കാര്യം പൊലീസിന്റെ ഔദ്യോഗിക മൊബൈല്‍ ആപ്പ് ആയ പോല്‍-ആപ്പ് വഴി എളുപ്പത്തില്‍ അറിയിക്കാവുന്നതാണെന്ന് കേരള പൊലീസ് അറിയിച്ചു. ഇത്തരത്തില്‍ വിവരം കൈമാറുന്നവരുടെ വീട് സ്ഥിതി ചെയ്യുന്ന ഭാഗങ്ങളില്‍ പൊലീസ് പ്രത്യേക നിരീക്ഷണം നടത്തും.

## Article Content

ഓണാവധി തുടങ്ങാന്‍ ഇനി ഏതാനും ദിവസങ്ങള്‍ മാത്രമാണ് അവശേഷിക്കുന്നത്.വീട് പൂട്ടി ഉല്ലാസയാത്ര പോകാന്‍ പ്ലാന്‍ ചെയ്യുന്നവര്‍ക്ക് ഇക്കാര്യം പൊലീസിന്റെ ഔദ്യോഗിക മൊബൈല്‍ ആപ്പ് ആയ പോല്‍-ആപ്പ് വഴി എളുപ്പത്തില്‍ അറിയിക്കാവുന്നതാണെന്ന് കേരള പൊലീസ് അറിയിച്ചു. ഇത്തരത്തില്‍ വിവരം കൈമാറുന്നവരുടെ വീട് സ്ഥിതി ചെയ്യുന്ന ഭാഗങ്ങളില്‍ പൊലീസ് പ്രത്യേക നിരീക്ഷണം നടത്തും.

യാത്ര പുറപ്പെടുന്നതിനു 48 മണിക്കൂര്‍ മുന്‍പെങ്കിലും ആപ്പിലൂടെ വിവരം രജിസ്റ്റര്‍ ചെയ്യണം. ഏഴു ദിവസം മുമ്പ് വരെ വിവരം പൊലീസിനെ അറിയിക്കാവുന്നതാണ്. പരമാവധി 14 ദിവസം വരെ വീടും പരിസരവും പൊലീസിന്റെ നിരീക്ഷണത്തിലായിരിക്കുമെന്നും കേരള പൊലീസിന്റെ ഫെയ്‌സ്ബുക്ക് കുറിപ്പില്‍ പറയുന്നു.

കുറിപ്പ്: ഓണ അവധി തുടങ്ങുകയായി. വീട് പൂട്ടി ഉല്ലാസയാത്ര പോകുന്നവര്‍ക്ക് ആ വിവരം അറിയിക്കാന്‍ പൊലീസിന്‍റെ ഔദ്യോഗിക മൊബൈല്‍ ആപ്പ് ആയ പോല്‍-ആപ്പില്‍ സൗകര്യം ലഭ്യമാണ്. വീട് സ്ഥിതി ചെയ്യുന്ന ഭാഗങ്ങളിൽ പോലീസ് പ്രത്യേക നിരീക്ഷണം നടത്തും. അതിനായി പോലീസിന്റെ ഔദ്യോഗിക മൊബൈൽ ആപ്പ് ആയ പോൽ ആപ്പിലെ 'Locked House' സൗകര്യം വിനിയോഗിക്കാം. യാത്ര പുറപ്പെടുന്നതിനു 48 മണിക്കൂർ മുൻപെങ്കിലും ആപ്പിലൂടെ വിവരം രജിസ്റ്റർ ചെയ്യണം. ഏഴു ദിവസം മുമ്പ് വരെ വിവരം പോലീസിനെ അറിയ്ക്കാവുന്നതാണ്. പരമാവധി 14 ദിവസം വരെ വീടും പരിസരവും പോലീസിന്റെ നിരീക്ഷണത്തിലായിരിക്കും. യാത്രപോകുന്ന ദിവസം, വീട് സ്ഥിതി ചെയ്യുന്ന ലൊക്കേഷൻ, വീട്ടുപേര്, വീടിനു സമീപത്തുള്ള ബന്ധുക്കളുടെയോ അയൽവാസികളുടെയോ പേരും ഫോൺ നമ്പറും എന്നിവ ആപ്പിൽ നൽകേണ്ടതുണ്ട്.

### Related Links & Sources
- [Original Story Source](https://thaliparamba.truevisionnews.com/news/141347/police-has-warned-those-who-go-out-for-fun-after-locking-their-houses-during-onam)