---
title: " കൊക്കൊ കോളയില്‍ മദ്യം കലര്‍ത്തി നല്‍കി പെണ്‍സുഹൃത്തിന്റെ സ്വര്‍ണമാല കവര്‍ന്ന യുവാവ് റിമാന്‍ഡില്‍"
english_title: "man-arrested-for-theft-gold-chain"
publisher: "thaliparambanews.in"
canonical_url: "https://thaliparamba.truevisionnews.com/news/138422/man-arrested-for-theft-gold-chain"
published_at: "2023-08-12T15:39:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/64d75a8677444_new-copyyyi-Recovered.jpg"
keywords: []
---

#  കൊക്കൊ കോളയില്‍ മദ്യം കലര്‍ത്തി നല്‍കി പെണ്‍സുഹൃത്തിന്റെ സ്വര്‍ണമാല കവര്‍ന്ന യുവാവ് റിമാന്‍ഡില്‍

> **Lead Summary:** കണ്ണൂർ: സോഷ്യൽ മീഡിയയിലൂടെ സൗഹൃദം സ്ഥാപിച്ച് വിവാഹ വാഗ്ദാനം ചെയ്ത് പെണ്‍സുഹൃത്തിന്‍റെ സ്വര്‍ണമാല കവര്‍ന്ന യുവാവ് റിമാന്‍ഡില്‍. മാഹിയിലെ ഒരു ലോഡ്ജിൽ മുറിയെടുത്തശേഷം വടകര സ്വദേശിനിയായ പെൺസുഹൃത്തിനെ അവിടേക്ക് വിളിച്ചുവരുത്തി മൂന്നുരപവന്‍ സ്വർണ മാല കവരുകയായിരുന്നു. വയനാട് മീനങ്ങാടി സ്വദേശി മിർഷാദി നെയാണ് മാഹി പോലീസ് വയനാട്ടിലെ പിടികൂടിയത്.

## Article Content

കണ്ണൂർ: സോഷ്യൽ മീഡിയയിലൂടെ സൗഹൃദം സ്ഥാപിച്ച് വിവാഹ വാഗ്ദാനം ചെയ്ത് പെണ്‍സുഹൃത്തിന്‍റെ സ്വര്‍ണമാല കവര്‍ന്ന യുവാവ് റിമാന്‍ഡില്‍. മാഹിയിലെ ഒരു ലോഡ്ജിൽ മുറിയെടുത്തശേഷം വടകര സ്വദേശിനിയായ പെൺസുഹൃത്തിനെ അവിടേക്ക് വിളിച്ചുവരുത്തി മൂന്നുരപവന്‍ സ്വർണ മാല കവരുകയായിരുന്നു. വയനാട് മീനങ്ങാടി സ്വദേശി മിർഷാദി നെയാണ് മാഹി പോലീസ് വയനാട്ടിലെ പിടികൂടിയത്.

മാഹിയിലെ ആഡംബര ഹോട്ടലിലെ മുറിയിൽവെച്ച് പെൺസുഹൃത്തിന്ന് അവരറിയാതെ കൊക്കൊ കോളയിൽ മദ്യം കലർത്തി നൽകി. ബോധരഹിതയാക്കിയതിനുശേഷം കഴുത്തിലണിഞ്ഞിരുന്ന മൂന്ന് പവനോളം തൂക്കം വരുന്ന സ്വർണമാലയുമായി കടന്നുകളയുകയായിരുന്നു ഇയാളെന്ന് പോലീസ് പറഞ്ഞു.കഴിഞ്ഞ ജൂലൈ 28 നാണ് കേസിനാസ്പദമായ സംഭവം നടന്നത്. മോഷ്ടിച്ച സ്വർണം ഇയാൾ അതേ ദിവസം തന്നെ പയ്യന്നൂരിലെ ഒരു ജ്വല്ലറിയിൽ 1,19,000/- രൂപയ്ക്ക് വിൽക്കുകയായിരുന്നു.

മാല നഷ്ടപ്പെട്ട യുവതി കഴിഞ്ഞ ദിവസം പോലീസിൽ പരാതി നൽകിയതിനെ തുടർന്ന് മാഹി എസ്പി രാജശങ്കർ വെള്ളാട്ടിന്‍റെ നിർദേശപ്രകാരം മാഹി സിഐ ബിഎം മനോജിന്‍റെ നേതൃത്വത്തിൽ പ്രത്യേക അന്വേഷണ സംഘം രൂപീകരിക്കുകയും മാഹി എസ്ഐ പി പ്രദീപിന്‍റെ നേതൃത്വത്തിൽ എഎസ്ഐ കിഷോർ കുമാർ, സുനിൽ, ഹെഡ് കോൺസ്റ്റബിൾമാരായ സുജേഷ്, പ്രശാന്ത്, ശ്രീജേഷ്, കോൺസ്റ്റബിൾമാരായ പ്രകാശൻ, ശ്രീജേഷ്, ഹോംഗാർഡ് ശ്രീദേവ് എന്നിവരടങ്ങിയ സംഘം മാനന്തവാടിയിൽ വെച്ച് പ്രതിയെ അറസ്റ്റ് ചെയ്യുകയും പയ്യന്നൂരിലെ ജ്വല്ലറിയിൽനിന്ന് തൊണ്ടി മുതൽ കണ്ടെടുക്കുകയുമായിരുന്നു.

മാഹി കോടതിയിൽ ഹാജരാക്കിയ പ്രതിയെ രണ്ടാഴ്ചത്തേക്ക് റിമാന്‍റ് ചെയ്തു. ആറു മാസങ്ങൾക്ക് മുൻപാണ് വടകര സ്വദേശിനിയായ നാൽപതുകാരിയായ യുവതിയുമായി സോഷ്യൽ മീഡിയയിലൂടെ പരിചയത്തിലായത്. നിരന്തരമുള്ള സന്ദേശങ്ങൾ അയച്ചതിലൂടെ ഇരുവരും അടുപ്പത്തിലാകുകയായിരുന്നു. വിവാഹ വാഗ്ദാനം നൽകി മിർഷാദ് യുവതിയെ വശീകരിക്കുകയും മാഹിയിലെ ആഡംബര ഹോട്ടലിലേക്ക് വിളിച്ചുവരുത്തുകയുമായിരുന്നു. വിവാഹസംബന്ധമായ കാര്യങ്ങൾ തീരുമാനിക്കാനാണെന്ന വ്യാജേനെ വിളിച്ചു വരുത്തിയാണ് ബോധരഹിതയാക്കി കവർച്ച നടത്തിയത്. ഹോട്ടലിൽനിന്ന് കടന്നുകളഞ്ഞ ഇയാൾക്കെതിരെ ബോധം വന്നതിനുശേഷം പെൺസുഹൃത്ത് മാഹി പോലീസിൽ പരാതി നൽകുകയായിരുന്നു.

### Related Links & Sources
- [Original Story Source](https://thaliparamba.truevisionnews.com/news/138422/man-arrested-for-theft-gold-chain)