---
title: "കേരളത്തിെൻറ ജനകീയ നേതാവ് ഉമ്മൻ ചാണ്ടിക്ക് വിട നൽകി തിരുവനന്തപുരം പുതുപ്പള്ളി ഹൗസിൽ ആയിരങ്ങൾ"
english_title: "Thousands bid farewell to Kerala's popular leader Oommen Chandy at Puthupally House, Thiruvananthapuram"
publisher: "thaliparambanews.in"
canonical_url: "https://thaliparamba.truevisionnews.com/news/131709/thousands-bid-farewell-to-keralas-popular-leader-oommen-chandy-at-puthupally-house-thiruvananthapuram"
published_at: "2023-07-19T12:29:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/64b789e00efea_Untitled-2-web.jpg"
keywords: []
---

# കേരളത്തിെൻറ ജനകീയ നേതാവ് ഉമ്മൻ ചാണ്ടിക്ക് വിട നൽകി തിരുവനന്തപുരം പുതുപ്പള്ളി ഹൗസിൽ ആയിരങ്ങൾ

> **Lead Summary:** കേരളത്തിെൻറ ജനകീയ നേതാവ് ഉമ്മൻ ചാണ്ടിക്ക് വിട നൽകി തിരുവനന്തപുരം പുതുപ്പള്ളി ഹൗസിൽ ആയിരങ്ങൾ. സഹപ്രവർത്തകരെയും ജനങ്ങളെയും ഒരുപോലെ കണ്ണീരിലാഴ്ത്തി പുതുപ്പള്ളി ഹൗസിൽ നിന്ന് അദ്ദേഹം പടിയിറങ്ങി.

## Article Content

കേരളത്തിെൻറ ജനകീയ നേതാവ് ഉമ്മൻ ചാണ്ടിക്ക് വിട നൽകി തിരുവനന്തപുരം പുതുപ്പള്ളി ഹൗസിൽ ആയിരങ്ങൾ. സഹപ്രവർത്തകരെയും ജനങ്ങളെയും ഒരുപോലെ കണ്ണീരിലാഴ്ത്തി പുതുപ്പള്ളി ഹൗസിൽ നിന്ന് അദ്ദേഹം പടിയിറങ്ങി.

പ്രിയ നേതാവിനെ കാണാൻ ഇടമുറിയാതെ ആളുകൾ എത്തിക്കൊണ്ടിരിക്കുകയാണ്. മൃതദേഹം വഹിച്ചുകൊണ്ടുള്ള വിലാപയാത്ര ഇന്ന് ഏഴ് മണിക്ക് തുടങ്ങി. നിലവിൽ കേശവദാസപുരം പിന്നിട്ടു.

കേശവദാസപുരം, വെഞ്ഞാറമൂട്, കിളിമാനൂര്‍, കൊട്ടാരക്കര, അടൂര്‍, പന്തളം, ചെങ്ങന്നൂര്‍, തിരുവല്ല, ചങ്ങനാശേരി വഴിയാണ് കോട്ടയത്ത് എത്തുക. വൈകിട്ടോടെ തിരുനക്കര മൈതാനത്ത് പൊതുദര്‍ശനം നടക്കും. രാത്രിയോടെ പുതുപ്പള്ളിയിലെ കുടുംബവീട്ടിൽ എത്തിക്കുമെന്നാണ് അറിയുന്നത്.

എംസി റോഡിൽ പുലർച്ചെ മുതൽ ഗതാഗത നിയന്ത്രണം ഏർപ്പെടുത്തിയിട്ടുണ്ട്. പൊലീസ് ഏർപ്പെടുത്തിയിരിക്കുന്ന ഗതാഗത നിയന്ത്രണങ്ങളുടെ ഭാഗമായി കോട്ടയം ജില്ലയിലെ സ്‌കൂളുകൾക്ക് ബുധനാഴ്ച ഉച്ചകഴിഞ്ഞ് അവധിയായിരിക്കുമെന്ന് ജില്ല കലക്ടർ അറിയിച്ചു.

വ്യാഴാഴ്‌ച ഉച്ചക്ക് രണ്ട് മണിയോടെ വിലാപയാത്രയായി ഭൗതികദേഹം പുതുപ്പള്ളി പള്ളിയിലേക്ക് കൊണ്ടുപോകും. മൂന്ന് മണിയോടെയാണ് അന്ത്യശുശ്രൂഷകൾ ആരംഭിക്കുക.

### Related Links & Sources
- [Original Story Source](https://thaliparamba.truevisionnews.com/news/131709/thousands-bid-farewell-to-keralas-popular-leader-oommen-chandy-at-puthupally-house-thiruvananthapuram)