---
title: "വാടക വീട് കേന്ദ്രീകരിച്ച് അനാശാസ്യം: നാട്ടുകാർ ഇടപെട്ട് പോലീസെത്തി വീടൊഴിപ്പിച്ചു, ഒരാൾ അറസ്റ്റിൽ"
english_title: "crime"
publisher: "thaliparambanews.in"
canonical_url: "https://thaliparamba.truevisionnews.com/news/105554/crime"
published_at: "2023-03-27T14:27:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/64215a9d333a5_ed47d720-f3a0-47e0-921d-34b8aeb7e071.jfif"
keywords: []
---

# വാടക വീട് കേന്ദ്രീകരിച്ച് അനാശാസ്യം: നാട്ടുകാർ ഇടപെട്ട് പോലീസെത്തി വീടൊഴിപ്പിച്ചു, ഒരാൾ അറസ്റ്റിൽ

> **Lead Summary:** **വളപട്ടണം: **അതിഥി തൊഴിലാളികൾ താമസിക്കുന്ന വാടക വീട് കേന്ദ്രീകരിച്ച് അനാശാസ്യ പ്രവർത്തനം നാട്ടുകാർ വീടുവളഞ്ഞു. പോലീസെത്തി താമസക്കാരെഒഴിപ്പിച്ചു.പോലീസിൻ്റെ കൃത്യനിർവ്വഹം തടസപ്പെടുത്തിയ യുവാവ് അറസ്റ്റിൽ.ഇന്നലെ രാത്രി എട്ട് മണിയോടെ പാപ്പിനിശേരി കാട്ടിയത്താണ് സംഭവം. അതിഥി തൊഴിലാളികൾ സ്ത്രീകളും പുരുഷന്മാരും ഉൾപ്പെടെ താമസിക്കുന്ന വീടു കേന്ദ്രീകരിച്ചാണ് അനാശാസ്യ പ്രവർത്തനം. പരിസരവാസികളായ നാട്ടുകാർക്ക് ശല്യമായതോടെയാണ് 300 ഓളം പേർ വീട് വളഞ്ഞത്.അനാശാസ്യ പ്രവർത്തനത്തിനായി ഇന്നലെ വൈകുന്നേരം ചാലോട് ഭാഗത്ത് താമസിക്കുന്ന കൂടുതൽ അതിഥി തൊഴിലാളികൾ വീട്ടിൽ എത്തിയതോടെയാണ് നാട്ടുകാർ ശക്തമായ നിലപാടുമായി രംഗത്തെത്തിയത്. ആറ് സ്ത്രീകളും 13 പുരുഷന്മാരുമാണ് ഈ സമയം വാടക വീട്ടിൽ ഉണ്ടായിരുന്നത്.നാട്ടുകാരിൽ ചിലർ വളപട്ടണം പോലീസിൽ വിവരമറിയിച്ചതിനെ തുടർന്ന് എസ്.ഐ. രേഷ്മയുടെ നേതൃത്വത്തിൽ പോലീസ് സ്ഥലത്തെത്തി നാട്ടുകാരെ അനുനയിപ്പിക്കാൻ ശ്രമം നടത്തി. വാതിലടച്ച് അകത്ത് കൂടിയ അതിഥി തൊഴിലാളികളോട് വാതിൽ തുറക്കാൻ പോലീസ് ആവശ്യപ്പെടുകയായിരുന്നു.ഇതിനിടെ നാട്ടുകാരിൽ ചിലർ വാതിൽ തുറന്ന് ബലപ്രയോഗത്തിലൂടെ അകത്ത് കടക്കാനും ശ്രമം നടത്തി.സംഭവവുമായി ബന്ധപ്പെട്ട്പോലീസിൻ്റെ കൃത്യനിർവ്വഹണം തടസപ്പെടുത്തിയ പട്ടേരി ഹൗസിൽ ഉമേഷിനെ എസ്.ഐ. രേഷ്മ അറസ്റ്റ് ചെയ്തു.വീട് കേന്ദ്രീകരിച്ച് അതിഥി തൊഴിലാളികൾ അനാശാസ്യ പ്രവർത്തനം നടത്തുന്നുണ്ടെന്നത് വ്യക്തമായതോടെ നാട്ടുകാരുടെ ഉറച്ച നിലപാടിൽ അതിഥി തൊഴിലാളികളെ വാടക വീട്ടിൽ നിന്നും പൂർണ്ണമായി ഒഴിപ്പിച്ച ശേഷമാണ് നാട്ടുകാരുടെ പ്രതിഷേധം പോലീസ് ശാന്തമാക്കിയത്.

## Article Content

**വളപട്ടണം: **അതിഥി തൊഴിലാളികൾ താമസിക്കുന്ന വാടക വീട് കേന്ദ്രീകരിച്ച് അനാശാസ്യ പ്രവർത്തനം നാട്ടുകാർ വീടുവളഞ്ഞു. പോലീസെത്തി താമസക്കാരെഒഴിപ്പിച്ചു.പോലീസിൻ്റെ കൃത്യനിർവ്വഹം തടസപ്പെടുത്തിയ യുവാവ് അറസ്റ്റിൽ.ഇന്നലെ രാത്രി എട്ട് മണിയോടെ പാപ്പിനിശേരി കാട്ടിയത്താണ് സംഭവം. അതിഥി തൊഴിലാളികൾ സ്ത്രീകളും പുരുഷന്മാരും ഉൾപ്പെടെ താമസിക്കുന്ന വീടു കേന്ദ്രീകരിച്ചാണ് അനാശാസ്യ പ്രവർത്തനം. പരിസരവാസികളായ നാട്ടുകാർക്ക് ശല്യമായതോടെയാണ് 300 ഓളം പേർ വീട് വളഞ്ഞത്.അനാശാസ്യ പ്രവർത്തനത്തിനായി ഇന്നലെ വൈകുന്നേരം ചാലോട് ഭാഗത്ത് താമസിക്കുന്ന കൂടുതൽ അതിഥി തൊഴിലാളികൾ വീട്ടിൽ എത്തിയതോടെയാണ് നാട്ടുകാർ ശക്തമായ നിലപാടുമായി രംഗത്തെത്തിയത്. ആറ് സ്ത്രീകളും 13 പുരുഷന്മാരുമാണ് ഈ സമയം വാടക വീട്ടിൽ ഉണ്ടായിരുന്നത്.നാട്ടുകാരിൽ ചിലർ വളപട്ടണം പോലീസിൽ വിവരമറിയിച്ചതിനെ തുടർന്ന് എസ്.ഐ. രേഷ്മയുടെ നേതൃത്വത്തിൽ പോലീസ് സ്ഥലത്തെത്തി നാട്ടുകാരെ അനുനയിപ്പിക്കാൻ ശ്രമം നടത്തി. വാതിലടച്ച് അകത്ത് കൂടിയ അതിഥി തൊഴിലാളികളോട് വാതിൽ തുറക്കാൻ പോലീസ് ആവശ്യപ്പെടുകയായിരുന്നു.ഇതിനിടെ നാട്ടുകാരിൽ ചിലർ വാതിൽ തുറന്ന് ബലപ്രയോഗത്തിലൂടെ അകത്ത് കടക്കാനും ശ്രമം നടത്തി.സംഭവവുമായി ബന്ധപ്പെട്ട്പോലീസിൻ്റെ കൃത്യനിർവ്വഹണം തടസപ്പെടുത്തിയ പട്ടേരി ഹൗസിൽ ഉമേഷിനെ എസ്.ഐ. രേഷ്മ അറസ്റ്റ് ചെയ്തു.വീട് കേന്ദ്രീകരിച്ച് അതിഥി തൊഴിലാളികൾ അനാശാസ്യ പ്രവർത്തനം നടത്തുന്നുണ്ടെന്നത് വ്യക്തമായതോടെ നാട്ടുകാരുടെ ഉറച്ച നിലപാടിൽ അതിഥി തൊഴിലാളികളെ വാടക വീട്ടിൽ നിന്നും പൂർണ്ണമായി ഒഴിപ്പിച്ച ശേഷമാണ് നാട്ടുകാരുടെ പ്രതിഷേധം പോലീസ് ശാന്തമാക്കിയത്.

### Related Links & Sources
- [Original Story Source](https://thaliparamba.truevisionnews.com/news/105554/crime)